الحب نقدر نتعلمه عادي

طول عمرنا بنسمع إن الحب إحساس لا إرادي حاجة بتحصل لوحدها لما نقابل الشخص المناسب، لكن علم النفس الحديث بيقول غير كده الحب مش مجرد شعور سحري بيجي فجأة، لكنه مهارة نقدر نتعلمها ونقويها مع الوقت الدكتورة باربرا فريدريكسون، واحدة من أهم الباحثين في علم النفس الإيجابي، بتوصف الحب على إنه تجربة متكررة من المشاعر الإيجابية بين الشخصين مش مجرد لحظة بنقع فيها مرة وخلاص وده معناه إن العلاقات الناجحة والطويلة مش معتمدة بس على الشغف القوي أو التوافق التام لكن على العادات اليومية والأفعال المتعمدة اللي بتقوي الحب وبتحافظ عليه الدراسات بتأكد إن الأزواج اللي بيتعمدوا ممارسة سلوكيات الحب حتى في الأيام اللي مش حاسين فيها بالمشاعر القوية بيكون عندهم علاقات أقوى وأكثر استقرار طيب إزاي نقوي الحب؟ الموضوع مش متعلق بالمفاجآت الكبيرة أو الإحساس الدائم بالحب والرومانسية لكنه في التفاصيل الصغيرة اللي بتحافظ على الود والدفء بينكم ابدأ بالامتنان اليومي عبر عن تقديرك لشريك حياتك مش بس على اللي بيعمله لكن على شخصيته وحضوره في حياتك جربوا حاجات جديدة سوا لأن التجارب المختلفة بتقوي الرابط العاطفي وبتمنع الملل كمان اهتم بالأفعال البسيطة اللي ليها تأثير كبير زي كلمة حلوة، رسالة لطيفة، أو حتى نظرة اهتمام لأن الحاجات دي هي اللي بتبني أساس الحب الحقيقي بدل ما تسأل نفسك "أنا لسه حاسس بالحب؟" جرب تسأل "أنا مارست الحب النهاردة؟" لأن الحب مش حاجة بنستناه يفضل موجود لوحده لكنه اختيار بنعمله كل يوم